1987 අංක 15 දරණ ප්‍රාදේශීය සභා පනත මගින් ප්‍රාදේශීය සභා ස්ථාපනය කිරීමේදී කෙසෙල්වත්ත සුළු නගර සභාව, තල්පිටිබද්ද ගම් සභාවෙන් කොටසක්ද වාද්දු වස්කඩුබද්ද ගම් සභාවෙන් කොටසක් ද ලෙස ආයතන 03කින් පාලනය වූ මෙම ආයතන පානදුර ප්‍රාදේශීය සභාව ලෙස සංස්ථාපනය විය.

වර්තමානයේ මෙය කෙසෙල්වත්ත, තන්තිරිමුල්ල, වාද්දුව යන උපකාර්යාල 03කින් සමන්විත වන අතර පානදුර ප්‍රාදේශීය සභාවේ ප්‍රධාන කාර්යාලය වාද්දුව නගරයේ පිහිටා ඇත. මෙහි දී ආයතන 03කින් පාලනය වූ සුළු නගර සභා එක් ආයතනයක් ලෙසින් පිහිටුවීමේ දී වගකීම් සහ කාර්යයන් (මහජන උපයෝගීතා සේවා, පොදු මංමාවත් හා මහජන සෞඛ්‍ය)ඉතා විශාල සංඛ්‍යාවක් පැවරී ඇත.

බල ප්‍රදේශවල ජනතාව අපේක්‍ෂා කරන්නේ, මාර්ග සංවර්ධනය, නවමංමාවත් ඉදිකිරීම්, නාන ළිං, පානීය ළිං, පාලම්, බෝක්‌කුඉදිකිරීම්, ‍ කටයුතු, වීථි පහන් ආලෝකය, කැළි කසලබැහැරලීම, පරිසර සංරක්‍ෂණය, සෞඛ්‍ය සංරක්‍ෂණය ආදී සේවාවන්ය.

බස්නාහිර පළාත් සභාවට අයත් පානදුර ප්‍රාදේශීය සභා බල ප්‍රදේශය වර්ග කිලෝමිටර් 41.63ක්  වන අතර එහි සමස්ථ ජනගහනය 220,000ක් පමණ වේ.